آسام میں پولیس مقابلے میں مارا گیا شخص ڈاکو نہیں بلکہ ایک غریب کسان تھا

گوہاٹی 11مارچ(کے ایم ایس)بھارتی ریاست آسام میں پولیس کاکہنا ہے کہ تحقیقات سے اس بات کی تصدیق ہوئی ہے کہ ریاست میں پولیس مقابلے میں مارا گیا شخص کوئی ڈاکو نہیں بلکہ ایک غریب کسان تھا۔
کشمیرمیڈیا سروس کے مطابق ایک سینئرپولیس افسر نے بتایا کہ آسام کے ضلع اڈلگوری میں ایک پولیس مقابلے میں ماراگیا شخص ڈاکو نہیں بلکہ ایک کسان تھا اور سی آئی ڈی کی تحقیقات سے اس بات کی تصدیق ہوئی ہے کہ یہ غلط شناخت کا معاملہ تھا۔انہوںنے کہاکہ تحقیقات سے یہ نتیجہ اخذ کیا گیا کہ مرنے والا ڈاکو کینارام بورو عرف کینارام باسوماتری نہیں بلکہ کوئی اورتھاجس کی شناخت ڈمبیشور ماچاہری کے نام سے ہوئی ہے اوراس کے خاندان کا کہناہے کہ وہ ایک عام کسان تھا ۔پولیس نے دعویٰ کیا تھاکہ 24فروری کو روٹہ علاقے کے دھنسیریکھوٹی گائوں میں ہونے والی فائرنگ میں دو پولیس اہلکار زخمی بھی ہوئے۔