مقبوضہ جموں و کشمیر
اوسلو:کشمیری ماہر تعلیم شوکت حسین خان کو ایوارڈ سے نوازاگیا
اوسلو:
ناروے کی پارلیمنٹ نے اوسلو میں منعقد ہ بین الاقوامی سمٹ میںکشمیری نژاد ماہر تعلیم شوکت حسین خان کو ایوارڈ سے نوازاگیاہے ۔
کشمیرمیڈیاسروس کے مطابق کشمیری نژاد ماہر تعلیم شوکت حسین خان کو تعلیمی شعبے میں بہتری کیلئے انکے کردار پر2024کے ایوارڈ سے نواز اگیا ہے۔ تقریب میں ناروے کی رکن پارلیمنٹ ہمانشو گلاٹی مہمان خصوصی تھیں جبکہ اولی جیکب جوہانسن، اکرشس اوردیگر بھی موجود تھے۔اس ایوارڈ سے شوکت خان کے سرینگر میں سکول کے ذریعے معیاری اور مستقبل کی تعلیم کے عزم کی عکاسی ہوتی ہے۔ 2014میں اپنے قیام کے بعد سے سکول نے مسلسل نصابی اور غیرنصابی دونوں شعبوں میں عمدہ کارکردگی کا مظاہرہ کیا ہے۔ یہ ایوارڈ دون سکول سرینگرکیلئے ایک اہم سنگ میل ہے ۔
