مقبوضہ جموں و کشمیر
سرینگر : سڑک حادثے میں 2نوجوان جاں بحق
سرینگر: غیر قانونی طور پر بھارت کے زیر قبضہ جموں و کشمیر کے گرمائی دارلحکومت سرینگر میں سڑک کے ایک حادثے میں 2 نوجوان جاں بحق ہو گئے ہیں ۔
کشمیر میڈیا سروس کے مطابق شہر کے علاقے بٹہ مالومیں ٹینگ پورہ بائی پاس کے مقام پر سڑک پر ایک حادثے میں دو کشمیری طالب علم جاں بحق اور ایک زخمی ہو گیا ۔تفصیلات کے مطابق ہائی وے پر ایک گاڑی دوسری گاڑیوں سے ٹکرانے کے بعد الٹ گئی جس میں تین طالب علم سوار تھے ۔ حادثے میں تینوں افراد شدید زخمی ہو گئے جنہیں ہسپتال منتقل کیاگیا جہاں زخموں کی تاب نہ لاتے ہوئے دوافراد چل بسے ۔جاں بحق ہونیوالے افراد کا تعلق سری نگر کے علاقے لال بازار اور سنت نگر سے ہے ۔
