نئی دلی : فیکٹری میں آگ لگنے سے 11افراد ہلاک

نئی دلی: بھارت کے دارلحکومت نئی دلی میں ایک فیکٹری میں آگ لگنے سے کم سے کم11افراد ہلاک اورمتعدد زخمی ہو گئے ہیں ۔
کشمیرمیڈیاسروس کے مطابق آگ نئی دلی کے علاقے علی پورمیں دیال پور بازار میں واقعہ ایک پینٹ فیکٹری میں لگی۔آگ نے قریبی دکانوں اور گھروں کو اپنی لپیٹ میں لے لیا۔ فیکٹری میں آتشزدگی سے 11افراد ہلاک اور ایک پولیس اہلکار سمیت4زخمی ہو گئے ہیں۔بھارتی میڈیا کے مطابق آگ لگنے سے پہلے فیکٹری میں دھماکے کی آواز سنی گئی تھی جو کہ ممکنہ طور پر وہاں اسٹور کیے گئے کیمیکل کی وجہ سے ہوا تھا۔ فیکٹری سے اب تک جھلسی ہوئی 11لاشیں نکالی جاچکی ہیںجبکہ فیکٹری کی عمارت منہدم ہو گئی ہے۔ زخمیوں کوہاسپتال منتقل کردیا گیا ہے جبکہ بعض افراد کی تلاش جاری ہے۔ واقعے کی مزیدتحقیقات جاری ہیں۔