APHC-AJK
ڈیموکریٹک فریڈم پارٹی پر پابندی کی مذمت
اسلام آباد: کل جماعتی حریت کانفرنس آزاد جموں کشمیر کے کنوینر محمود احمد ساغر نے بھارتی حکومت کی طرف سے سینئر حریت رہنما شبیر احمد شاہ کی سربراہی میں قائم جموں وکشمیر ڈیموکریٹک فریڈم پارٹی(ڈی ایف پی) پر پابندی کی شدید مذمت کی ہے۔
کشمیر میڈیا سروس کے مطابق بھارتی وزارت داخلہ نے جمعرا ت کو ایک اعلان نامہ جاری کرتے ہوئے ڈی ایف پی کو ایک غیر قانونی تنظیم قرار دیا۔
محمود احمد ساغر نے اسلام آباد میں جاری بیان میں کہا کہ ایک سیاسی تنظیم پر جھوٹے اور من گھڑت الزامات لگا کر پابندی عائد کرنا بھارتی جمہوریت کے ماتھے پر ایک بدنما داغ ہے ۔ انہوں نے کہا کہ حق وانصاف کے لیے ا±ٹھنے والی کوئی بھی آواز ایسے اوچھے ہتھکنڈوں سے نہ کبھی دبی ہے اور نہ آئندہ کبھی دب سکے گی۔
