مقبوضہ جموں و کشمیر
محبوبہ مفتی کاکسی ایک فرد کے اعمال کی سزا کشمیری عوام کو نہ دینے کا مطالبہ
سرینگر: غیرقانونی طورپر بھارت کے زیر قبضہ جموں وکشمیرمیں پیپلز ڈیموکریٹک پارٹی کی صدر محبوبہ مفتی نے حکام پر زور دیا ہے کہ وہ دہلی کار دھماکے میں کسی ایک فرد کے اعمال کی سزا کشمیری عوام کو نہ دیں۔
کشمیر میڈیا سروس کے مطابق محبوبہ مفتی نے کپواڑہ کے علاقے درگمولہ کا دورہ کرتے ہوئے کہاکہ جہاں قصورواروں کو جوابدہ ہونا چاہیے، وہیں عام کشمیریوں کو اجتماعی سزا کا نشانہ نہیں بنانا چاہیے۔انہوں نے نوگام پولیس اسٹیشن میںدھماکے پر گہری تشویش کا اظہار کرتے ہوئے سوال اٹھایاکہ اتنی بڑی مقدار میں دھماکہ خیز مواد دہلی سے کیسے لایا گیا۔ انہوں نے پیشہ ورانہ نگرانی میں کوتاہی پر تنقید کی جس سے پولیس اہلکاروں اورافسروں کو خطرہ لاحق ہوا۔انہوں نے جوابدہی کا مطالبہ کرتے ہوئے واقعے کی فوری اور مکمل تحقیقات کا مطالبہ کیا۔
