مقبوضہ کشمیر،ہائی کورٹ کی طرف سے 2 کشمیریوں کی کالے قانون کے تحت نظربندی کالعدم

2 اگست, 2022

0 439 Less than a minute

سرینگر02اگست (کے ایم ایس)
غیرقانونی طورپربھارت کے زیر قبضہ جموں و کشمیر میں ہائی کورٹ نے دو کشمیریوںکی کالے قانون پبلک سیفٹی ایکٹ کے تحت نظربندی کالعدم قرار دیتے ہوئے قابض انتظامیہ کو انکی فوری رہائی کاحکم دیاہے۔
کشمیر میڈیاسروس کے مطابق ہائی کورٹ کے جج جسٹس سنجے دھر نے قابض انتظامیہ کو زبیر اشرف خان اور اورنگزیب خان کی کالے قانون کے تحت نظربندی کو کالعدم قرار دیتے ہوئے انہیں فوری طور پر جیل سے رہا کرنے کا حکم دیا۔ایڈوکیٹ جی این شاہین نے الگ الگ درخواستوں کے ذریعے دنوں کشمیریوں کی غیر قانونی نظربندی کو چیلنج کیا تھا۔ عدالت نے مقبوضہ کشمیر کی قابض انتظامیہ کو دونوں کشمیریوں کی فوری رہائی کا حکم دیا ۔