مقبوضہ جموں و کشمیر
بھارت: ہندو انتہا پسندوں نے بیف کے شبے پرمسلمانوں کی دکانیں بند کرادیں
بھوپال27 ستمبر (کے ایم ایس) بھارتی ریاست مدھیہ پردیش کے ضلع کھرگون میں ہندو انتہا پسند تنظیموں نے بیف کے شبے پر احتجاج کرتے ہوئے مسلمانوں کے کاروبار اور دکانوں کو بند کرادیاہے۔
کشمیرمیڈیا سروس کے مطابق ہندو انتہا پسندوں نے کئی دکانوں میں توڑپھوڑ بھی کی اور اشتعال انگیز نعرے لگائے ۔ساوتھ ایشین وائر کے مطابق اس واقعے کی ایک ویڈیو بھی وائرل ہوئی ہے جس میں ہجوم پر قابو پانے کیلئے پولیس کو لاٹھی چارج کرتے ہوئے دکھایا گیا ہے۔پولیس نے بیف کے شبے میں تین افراد کو گرفتار کیا اور انہیں عدالتی تحویل میں دیدیا گیاہے۔ہندو انتہا پسندوں نے ایک آٹو رکشہ کو بھی شدید نقصان پہنچایا۔
