بھارت
بھارت : تامل ناڈو میں ٹرین میں آگ لگنے سے 8افراد ہلاک، 20زخمی
چنائی 26 اگست(کے ایم ایس) بھارتی ریاست تامل ناڈو میں ایک ٹرین میں آگ لگنے سے کم از کم آٹھ افراد ہلاک اور بیس زخمی ہو گئے۔کشمیرمیڈیاسروس کے مطابق حکام نے بتایا کہ ہفتے کی صبح مدورائی ریلوے سٹیشن پر ٹرین کے ایک ڈبے میں آگ بھڑک اٹھی جس کے نتیجے میں آٹھ افراد ہلاک اور بیس زخمی ہو گئے۔ ان کا کہنا تھا کہ آگ لگنے کی وجہ ٹرین میں موجود غیر قانونی گیس سلنڈرز بنے ۔انہوں نے کہاکہ نجی پارٹی کوچ کے مسافر اتر پردیش کے دارالحکومت لکھنو سے تامل ناڈو کے ضلع مدورائی پہنچے تھے۔کلکٹر ایم ایس سنگیتا نے بتایا کہ ٹرین کے ڈبے میں آگ لگنے سے آٹھ افراد ہلاک ہو گئے۔ انہوں نے بتایا کہ بیس دیگر زخمیوں کو علاج کے لیے اسپتال میں داخل کرایا گیا ہے۔
