مقبوضہ جموں و کشمیر
ایس آئی اے کی طر ف سے غیر قانونی طور پر نظر بند دوکشمیریوں کے خلاف چارج شیٹ داخل
سرینگر: نئی دہلی کے زیر کنٹرول ریاستی تحقیقاتی ایجنسی(ایس آئی اے)نے سرینگر کی ایک عدالت میں ایک جھوٹے مقدمے میں غیر قانونی طور پر نظر بند دو کشمیریوں کے خلاف چارج شیٹ داخل کردی ہے۔
ایس آئی اے نے تحریک آزادی کشمیر کے لیے سعودی عرب اور مسقط عمان سے فنڈز اکٹھے کرنے کے الزام پر سرینگر کے رہائشی دانش احمد کول اور فیضان اشتیاق خرادی کے خلاف چارج شیٹ داخل کی۔ یہ کیس 2021میںغیر قانونی سرگرمیوں کی روک تھام کے کالے قانون یواے پی اے کے تحت درج کیا گیا تھا۔ غیر قانونی طور پر نظربند نوجوان حماد فاروق ترمبو کے خلاف اسی کیس میں پہلے ہی چارج شیٹ داخل کی جا چکی ہے۔ بھارتی پولیس نے حماد فاروق ترمبو کی غیرقانونی نظربندی کا جواز پیش کرنے کے لئے انہیں مجاہد تنظیموں کا معاون قرار دیا ہے ۔
