مقبوضہ جموں و کشمیر
کشتوار:بھارتی پیراملٹری گاڑی نے خاتون کو دانستہ طور پر ٹکر مار کر شہید کردیا
جموں:بھارت کے غیر قانونی زیر قبضہ جموں وکشمیر کے ضلع کشواڑ میں بھارتی پیرا ملٹری سینٹرل ریزرو پولیس فورس (سی آر پی ایف)کی گاڑی نے ایک خاتون کو دانستہ طورپر ٹکر مار کر شہید کر دیا۔
کشمیر میڈیاسروس کے مطابق بھارتی فورسز کی درندگی کا یہ واقعہ ضلع کے علاقے چھاترو میں پیش آیا۔ 55سالہ خاتون حنیفہ بیگم گاڑی کی ٹکر سے موقع پر جانبحق ہو گئی۔ علاقے کے لوگوں نے واقعے کے خلاف زبردست احتجاج کیا۔ انہوں نے آزادی کے حق میں اور بھارت کے خلاف نعرے لگائے۔ لوگوں نے مجرم بھارتی اہلکاروں کے خلاف کارروائی کامطالبہ کیا ۔
