پاکستان
بھارتی وزیر دفاع کے غیر ذمہ دارانہ بیان کیخلاف خیرپور میں ہندو برادری کی ریلی
خیرپور: پاکستان کے بارے میں بھارتی وزیر دفاع راج ناتھ سنگھ کے غیر ذمہ دارانہ بیان کیخلاف صوبہ سندھ کے شہر خیرپور میں ہندو برادری نے ایک ریلی نکالی۔
کشمیرمیڈیاسروس کے مطابق ”پاکستان زندہ باد” ریلی شاہ پل سے چھتری چوک تک نکالی گئی جس میں خیرپور کی تمام تحصیلوں سے آنے والے ہندو برادری کے نوجوانوں نے شرکت کی۔ریلی میں موجود شرکا ء نے پاکستان زندہ باد کے فلک شگاف نعرے لگائے۔شرکاء نے کہا کہ پاکستان اور سندھ میں رہنے والی ہندو برادری مادر وطن سے وفادار تھی، ہے اور ہے گی اور اگر بھارت باز نہیں آیا تواسے اسی کی زبان میں جواب دیا جائے گا۔
