(کشمیر میڈیا سروس)
سرینگر10جنوری(کے ایم ایس)
غیر قانونی طور پر بھارت کے زیر قبضہ جموں و کشمیر میں بھارتی فوجیوں نے ضلع راجوری میں تفتیش بہانے 50سے زائد بے گناہ کشمیری نوجوانوں کو گرفتار کر لیاہے۔
یہ گرفتاریاں بھارتی فوج، پولیس اور سینٹرل ریزرو پولیس فورس کے اہلکاروں کی طرف سے راجوری کے دو درجن سے زائد دیہات میں جاری تلاشی اور محاصرے کی مشترکہ کارروائیوں کے دوران کی گئی ہیں۔ ضلع کے اہم مقامات پر بھارتی پولیس کی خصوصی آپریشنل ٹیمیں بھی تعینات کی گئی ہیں۔سینئر سپرنٹنڈنٹ آف پولیس راجوری محمد اسلم نے میڈیا سے گفتگو میں تصدیق کی ہے کہ فوجی کارروائی بڑے پیمانے پر جاری ہے۔ انہوں نے کہا کہ پولیس کے ساتھ سی آر پی ایف کے اضافی اہلکاروں کو حساس علاقوں میں تعینات کیا گیا ہے ۔ ایس ایس پی نے کہا کہ یہ گرفتاریاں ضلع راجوری کے گائوںدھانگری میں حالیہ حملوں کے بعد کی گئی ہیں۔سرکاری حکام کے مطابق پولیس اور پیراملٹری فورسز کے اہلکاروں کی اضافی نفری سرحدی چوکیوں پر بھی تعینات کی گئی ہے جوکہ کنٹرول لائن کے ساتھ سیکورٹی بڑھانے کا حصہ ہے ۔
ادھرآج صبح کنٹرول لائن کے سندربنی سیکٹر میں مہادیو مینکا فائرنگ رینج میں نئے بھرتی ہونے والے سرکاری بندوق بردار ولیج ڈیفنس گارڈز کو ہتھیاروں اور فائرنگ کی تربیت دی گئی۔ حکام کے مطابق کنٹرول لائن کے ساتھ مختلف دیہات سے 50 سے زائدسرکاری بندوق برداروں نے فوج کے زیر انتظام فائرنگ کی تربیت کی ۔
تازہ ترین
- جنیوا میں اقوام متحدہ کے دفتر کے باہر بھارت مخالف احتجاجی مظاہرہ
- ہردیپ سنگھ کے قتل میں بھارت کے ملوث ہونے کی مصدقہ معلومات موجود ہیں، جسٹن ٹروڈو
- پارلیمانی انتخابات سے قبل پلوامہ جیسے مزید حملے ہو سکتے ہیں، ستیہ پال
- یواین جنرل اسمبلی میں مسئلہ کشمیر اٹھانے پر ترک صدر کا شکریہ
- مقبوضہ جموں وکشمیر: مفتی اعظم کیطرف سے میر واعظ کی رہائی کا خیر مقدم
- بھارت سکھ رہنما کے قتل کی شفاف تحقیقات کو یقینی بنانے کیلئے کینیڈا کے ساتھ تعاون کرے،جسٹن ٹروڈو
- مقبوضہ جموں وکشمیر میں لوگ مایوس ہیں اور ہر طرف افراتفری ہے ،عمر عبداللہ
- محمود احمد ساغر کیطرف سے میر واعظ عمر فاروق کی رہائی کا خیرمقدم، تمام حریت قیادت کی رہائی کا مطالبہ
- منی پور:وادی امپھال میں کرفیو نافذکر دیا گیا
- مقبوضہ جموں وکشمیر:سکھ تنظیموں نے ریزرویشن کا مطالبہ کر دیا