بھارت
کولکتہ: پولیس اہلکاروں نے نوجوانوں سے 30لاکھ روپے لوٹ لیے
کولکتہ03 نومبر (کے ایم ایس) بھارتی شہر کولکتہ کے علاقے ایکبال پور سے دو پولیس اہلکاروں سمیت چار افراد کو دو نوجوانوں سے 30 لاکھ روپے لوٹنے کے الزام میںگرفتار کر لیا گیاہے۔
کشمیرمیڈیاسروس کے مطابق ایک سینئر افسر نے بتایا کہ گرفتاریاں نوجوانوں کی شکایت کے بعد عمل میں لائی گئیں۔نوجوانوں نے شکایت درج کرائی تھی کہ انہیں چار افراد کے ایک گروپ نے اس وقت لوٹ لیا جب وہ اپنی کمپنی کے دفتر سے رقم بینک لے جا رہے تھے۔
نوجوانوں کا کہنا تھا انہیں دو افراد نے روکا جنہوں نے پولیس اہلکار ہونے کا دعویٰ کیا۔ نوجوانوں کو ایک قریبی ہوٹل میں لے جایا گیا جہاں انہیں مارپیٹ کا بھی نشانہ بنایا گیا۔
