مقبوضہ جموں و کشمیر
قابض حکام نے سید علی گیلانی کے نواسے کو سرکاری ملازمت سے برطرف کردیا
سرینگر16اکتوبر (کے ایم ایس)غیر قانونی طور پر بھارت کے زیر قبضہ جموں و کشمیر میں کل جماعتی حریت کانفرنس کے سابق چیئرمین سید علی گیلانی کے دوران حراست انتقال کے 45 دن بعد قابض حکام نے ہفتے کے روز ان کے نواسے انیس الاسلام کو سرکاری ملازمت سے برطرف کردیا۔
کشمیر میڈیا سروس کے مطابق انیس الاسلام بین الاقوامی کنونشن سنٹر سرینگرمیں ریسرچ آفیسرتھے۔لیفٹیننٹ گورنر منوج سنہا نے ضلع ڈوڈہ کے علاقے کتھاوا سے تعلق رکھنے والے ایک استاد فاروق احمد بٹ کو بھی تحریک آزادی کی حمایت کرنے پربرطرف کیاہے ۔حکمنامے کے مطابق دونوں کو ریاست کی نام نہاد سلامتی کی آڑ میں برطرف کیا گیا ہے۔
