بھارت
بی جے پی بطور حکمران جماعت ناکام ہو چکی ہے، سچن پائلٹ
جے پور25 اگست (کے ایم ایس)انڈین نیشنل کانگریس کے رہنما سچن پائلٹ نے کہا ہے کہ بھارتیہ جنتا پارٹی (بی جے پی) بطور ایک حکمران جماعت کے مکمل طور پر ناکام ہو چکی ہے۔
کشمیرمیڈیاسروس کے مطابق سچن پائلٹ نے اجمیر میں ایک جلسہ عام سے خطاب کرتے ہوئے کہا کہ بی جے پی کو 2014 اور 2019 کے لوک سبھا انتخابات میں بھاری مینڈیٹ ملا لیکن اس نے ووٹروں کا کوئی بھلا نہیں کیا۔انہوںنے کہا کہ بی جے پی نو برس سے حکومت کر رہی ہے ،لوگوں نے اسے ووٹ دیا اور دو بار مکمل اکثریت دی لیکن اس نے لوگوں کو دھوکہ دیا۔ بی جے پی نے ہر طبقے سے ووٹ لینے کے بعد صرف دکھ درد دیا۔
سچن پائلٹ نے کہا کہ مہنگائی آسمان کو چھو رہی ہے لیکن بی جے پی نے اس پر قابو پانے کی کوشش ہی نہیں کی۔
