جموں
جموں: یاتریوں کی بس کو حادثہ، 21ہلاک، 69زخمی
جموں:بھارت کے غیر قانونی زیر قبضہ جموںوکشمیر میں یاتریوں کی ایک بس کو پیش آنے والے حادثے کے نتیجے میں 21 یاتری ہلاک جبکہ 69زخمی ہو گئے ہیں۔
کشمیر میڈیاسروس کے مطابق حادثہ ضلع جموں کے علاقے چوکی چور ا پٹی میں تنگلی موڑ کے قریب پیش آیا، بس سڑک سے پھسل کر 150 فٹ گہری کھائی میںجا گری جسکے نتیجے میں ابتدائی اطلاعات کے مطابق 21 افراد ہلاک اور69 زخمی ہو گئے۔ حکام کا کہنا ہے کہ بس یاتریوں کو بھارتی ریاست ہریانہ کے کروکشیتر علاقے سے جموں و کشمیر کے ضلع ریاسی کے شیو کھوری علاقے میں لے جا رہی تھی۔ زخمیوں کو جموں کے اکھنور ہسپتال اور گورنمنٹ میڈیکل کالج (جی ایم سی) ہسپتال منتقل کیا گیا ہے۔
