مقبوضہ جموں و کشمیر
بارہمولہ :بھارتی پولیس نے ایک کشمیری کی جائیداد ضبط کر لی
سرینگر:بھارت کے غیر قانونی زیر قبضہ جموںوکشمیر میں بھارتی پولیس نے آج ضلع بارہمولہ میںایک کشمیری کی جائیداد ضبط کرلی ۔
کشمیرمیڈیا سروس کے مطابق پولیس نے ضلع کے علاقے یاری پورہ پلہالن میںمشتاق احمد بٹ نامی کشمیری کا یک منزلہ مکان اور چار دکانیں ضبط کر لیں۔ضبط کی جانے والی جائیدادکی مالیت29لاکھ روپے سے زائد بتائی جا رہی ہے۔
بی جے پی کی بھارتی حکومت نے اگست 2019میں مقبوضہ جموںوکشمیرکی خصوصی حیثیت ختم کرنے کے بعد کشمیریوںکے گھروں، زمینوں اور دیگر املاک کی ضبطی اور مسماری کا مسلسلہ تیز کر دیاہے ۔ جائیدادوںکی ضبطی کا مقصد کشمیریوںکو معاشی طورپرکمزور کرنا اور ضبط شدہ جائیدادیںغیر کشمیری بھارتی ہندئوںکو دیکر علاقے میںآبادیاتی تبدیلی کے مذموم منصوبے کو آگے بڑھاناہے۔
