مقبوضہ جموں و کشمیر

صحافی آصف سلطان پر ”پی ایس اے “لاگو، کوٹ بھلوال جیل منتقل

سرینگر10 اپریل (کے ایم ایس) بھارت کے غیر قانونی زیر قبضہ جموںوکشمیر میں نظر بند صحافی آصف سلطان جنہیں رواں ہفتے کے شروع میں غیر قانونی سرگرمیوں کی روک تھام کے کالے قانون یو اے پی اے کے مقدمے میں ضمانت دی گئی تھی، پر ایک اور کالا قانون پبلک سیفٹی ایکٹ لاگو کر دیا گیا ہے۔
کشمیر میڈیا سروس کے مطابق سری نگر کے سینئر سپرنٹنڈنٹ پولیس راکیش بلوال نے تصدیق کی ہے کہ آصف سلطان کے خلاف پی ایس اے کے تحت مقدمہ درج کرکے انہیں جموں ڈویڑن کی کوٹ بھلوال جیل منتقل کردیا گیا ہے۔آصف سلطان کو اس سے قبل سرینگر میں این آئی اے ایکٹ کے تحت ایک خصوصی عدالت نے تقریباً چار سال قید کے بعد ضمانت دی تھی۔ بعد میں انہیں سری نگر کے بٹہ مالو تھانے میں نظر بند کیا گیا تھا۔
آف سلطان کو 27 اگست 2018 کو پولیس نے ایک جھوٹے الزام میں گرفتار کیا تھا-

متعلقہ مواد

Leave a Reply

Back to top button
%d