بھارتی تحقیقاتی ادارے انفورسمنٹ ڈائریکٹوریٹ نے جھارکھنڈ کے وزیر اعلیٰ کو طلب کر لیا
نئی دلی 02نومبر (کے ایم ایس)
ایک ایسے وقت میں جب بھارت میں حزب اختلاف مودی حکومت پر سیاسی مخالفین کو ہراساں کرنے کیلئے تحقیقاتی اداروں اور بھارتی فورسز کے استعمال کا الزام لگا رہی ہے بھارتی تحقیقاتی ادارے انفورسمنٹ ڈائریکٹوریٹ نے آج ریاست جھارکھنڈ کے وزیر اعلی ہیمنت سورین کو منی لانڈرنگ کے ایک مقدمے میں تفتیش کیلئے طلب کیاہے۔
کشمیر میڈیا سروس کے مطابق ای ڈی نے ہیمنت سورین کو ریاست میں مبینہ طورپرغیر قانونی کان کنی سے متعلق منی لانڈرنگ کے ایک مقدمے میں تفتیش کیلئے طلب کیا ہے۔ انہیں جمعرات کو ریاستی دارالحکومت رانچی میں وفاقی تحقیقاتی ایجنسی کے علاقائی دفتر میں پیش ہونے کو کہا گیا ہے۔ ای ڈی نے پہلے اس معاملے میں سورین کے سیاسی معاون پنکج مشرا اور دو دیگرمقامی بااثر افراد بچھویادو اور پریم پرکاش کو گرفتار کیا تھا۔اپوزیشن کی متعدد جماعتوں نے کہا ہے کہ مودی حکومت ملک میں اختلاف رائے کو دبانے کے لیے تحقیقاتی ایجنسیوں اور مسلح افواج کا بے جا استعمال کر رہی ہے۔
