گرفتاریاں
بڈگام :بھارتی پولیس نے تین کشمیری نوجوان گرفتارکر لیے
سری نگر:
بھارت کے غیر قانونی زیر قبضہ جموں و کشمیر کے ضلع بڈگام میں بھارتی پولیس نے تین کشمیری نوجوانوں کو جھوٹے الزامات کے تحت گرفتار کر لیا ہے۔
کشمیر میڈیا سروس کے مطابق پولیس نے مزمل احمد، اشفاق پنڈت اور منیر احمد کو ضلع کے علاقے کاووسہ ناربل میں تلاشی آپریشن کے دوران گرفتار کیا۔ گرفتار ی کے بعد ان کے خلاف کالے قانون”یو اے پی اے“کے تحت مقدمہ درج کیا گیا۔
پولیس نے ان کی گرفتاری کا جواز فراہم کرنے کیلئے ان پر عسکریت پسندوں کے ساتھ روابط کا الزام عائد کیا ہے۔یاد رہے کہ بھارتی فورسز نے 22 اپریل کو پیش آنے والے پہلگام فالس فلیگ آپریشن کے بعد سے3ہزار سے زائد کشمیریوں کو گرفتار کیا ہے جن میں زیادہ ترنوجوان ہیں۔
