جموں
حد بندی کمیشن بی جے پی کی ایک ذیلی تنظیم بن چکی ہے
جموں 13 مارچ (کے ایم ایس) غیر قانونی طور پربھارت کے زیر قبضہ جموں و کشمیر میں کل جماعتی جوائنٹ ایکشن کمیٹی رامبن نے حد بندی کمیشن کے مجوزہ مسودے کے خلاف ایک اجلاس منعقد کیا۔
اجلاس کے شرکاءنے کہا کہ حد بندی کمیشن بی جے پی کی ایک ذیلی تنظیم بن چکی ہے جس کا واحد مقصد لوگوں کو بے اختیار کرنا ہے۔ انہوں نے کہاکہ ہمارے پاس یہ بات ماننے کی ٹھوس وجہ ہے کہ مذکورہ مسودہ بی جے پی کارکنوں کے سیاسی عمل کا نتیجہ ہے۔ انہوں نے کہا کہ حد بندی کمیشن کے حالیہ مسودے پر عام لوگوں میں شدید ناراضگی پائی جاتی ہے۔ انہوں نے مزید کہا کہ مسودہ اس خطے کے لوگوں کی علاقائی، جغرافیائی، سماجی اور سیاسی امنگوں کو مدنظر رکھے بغیر تیار کیا گیا ہے۔ اجلاس کے شرکاءنے کہا کہ مسودہ منظر عام پر آنے کے بعد کی حکمت عملی اور اقدامات پر بھی تبادلہ خیال کیا گیا۔
