مقبوضہ جموں و کشمیر
مقبوضہ جموں وکشمیر:راجوری میں دو دھماکوں سے خوف و ہراس پھیل گیا
جموں 26مارچ (کے ایم ایس)غیر قانونی طور پر بھارت کے زیر قبضہ جموں و کشمیر میں جموں خطے کے ضلع راجوری میں یکے بعد دیگرے دو دھماکے ہوئے جس سے علاقے میں خوف و ہراس پھیل گیا۔
کشمیر میڈیا سروس کے مطابق ہفتے کو ضلع کے قصبے کوٹ رنکا کے مین بازار میں دو دھماکے ہوئے۔ پولیس حکام نے بتایاکہ ہم نے تحقیقات شروع کر دی ہے لیکن ابھی تک دھماکے کی نوعیت کے بارے میں کچھ نہیں کہا جا سکتا۔دھماکوں سے کسی جانی یا مالی نقصان کی اطلاع نہیں ہے۔ انہوں نے کہا کہ علاقے کو محاصرے میں لے لیا گیا ہے۔
