مقبوضہ جموں و کشمیر
جموں:بھارتی پولیس نے سکھ میاں بیوی کو گرفتار کر لیا
جموں 25 مارچ (کے ایم ایس)بھارت کے غیر قانونی زیر قبضہ جموں و کشمیر میں بھارتی پولیس نے جموں ضلع میں ایک سکھ خاتون اور اس کے شوہر کو گرفتار کر لیا ہے۔
بھارتی پولیس نے سکھ خاتون پرمجیت کور اور اس کے شوہر امرک سنگھ کو ضلع کے علاقے آر ایس پورہ میں گھر پر چھاپے کے دوران گرفتار کیا۔
پولیس نے دعویٰ کیا کہ ان دونوں کے خالصتان حامی سکھ رہنما Papalpreet Singh کیساتھ تعلقات ہیں۔ Papalpreetبھارتی پنجاب کے سکھ رہنما اور” وارث پنجاب دے “ نامی تنظیم کے سربراہ امرت پال سنگھ کے قریبی ساتھی ہیں۔
یاد رہے کہ بھارتی پولیس نے امرت پال کی گرفتاری کیلئے پنجاب میں ایک بڑا آپریشن شروع کر رکھا ہے ۔ پولیس نے دعویٰ کیا ہے کہ وہ گزشتہ دنوں ایک چھاپے کے دوران فرار ہونے میں کامیاب ہو گئے تھے۔
