بی جے پی”انڈیا “اتحاد سے سخت خوفزدہ ہے، کانگریس رہنما

نئی دلی 08 ستمبر (کے ایم ایس)
انڈین نیشنل کانگریس کی سینئر رہنما رجنی پاٹل نے کہا ہے کہ بھارتیہ جنتا پارٹی (بی جے پی) حزب اختلاف کے اتحاد”انڈیا“ سے شدید خوفزدہ ہے اور اسے اپنی شکست صاف نظر آرہی ہے۔
کشمیرمیڈیاسروس کے مطابق رجنی پاٹل نے ذرائع ابلاغ کے نمائندوں سے گفتگو کرتے ہوئے کہا کہ بی جے پی 26 رکنی اپوزیشن اتحاد ”انڈیا “ کی تشکیل کے بعد سخت مایوسی کا شکار ہے اور معاشی اور معاشرتی مسائل سے نمٹنے کے بجائے اپنے تفرقہ انگیز حربوں میں تیزی سے مصروف ہے۔ انہوں نے مزید کہا کہ بی جے پی نے یہ محسوس کرنا شروع کر دیا ہے کہ اسے انڈیا اتحاد کے ہاتھوں شکست سے دوچار ہونا پڑے گا۔