مقبوضہ جموں و کشمیر
وقف ترمیمی بل ناقابل قبول ہے: آغا سید حسن
سرینگر:
بھارت کے غیر قانونی زیر قبضہ جموں وکشمیر میں کل جماعتی حریت کانفرنس کے سینئر رہنما اور انجمن شرعی شیعیان کے صدر آغا سید حسن الموسوی الصفوی نے وقف ترمیمی بل کو ناقابل قبول قرار دیتے ہوئے کہا ہے کہ یہ ایک مذہبی ادارے پر براہ راست حملہ ہے ۔
کشمیر میڈیاسروس کے مطابق آغا سید حسن نے ایک بیان میں کہا کہ وقف ترمیمی بل اپنی موجودہ شکل میں وقف کی روح کے منافی ہے۔ انہوںنے کہا کہ یہ مذہبی معاملات میں کھلی مداخلت ہے اور ایک مذہبی ادار ے پرحملہ ہے۔
