(کشمیر میڈیا سروس)
سرینگریکم فروری ( کے ایم ایس)
غیر قانونی طور پربھارت کے زیر قبضہ جموں و کشمیر میں مودی کی فسطائی بھارتی حکومت نے جموں میں متعدد مسلم خاندانوں کو ان کی آبائی زمین سے بے دخل کرنے کے بعداب سرینگر کے قلب میں واقع علاقوں ایچ ایم ٹی اور قمرواری کے رہائشیوں کو فوری طور پر اپنی زمینیں خالی کرنے کا حکم دیا ہے۔
مودی حکومت کے احکامات کے بعد مقامی لوگ پریس انکلیو سرینگر میں احتجاج کررہے ہیں۔ مظاہرین کا کہنا ہے کہ حکومت نے انہیں ان کی زمینیں جہاں ان کے مکانات قائم ہیں خالی کرنے کا حکم دیا ہے ۔ انہوں نے کہاکہ مودی حکومت زبردستی اُن سے اِن کی زمینیں زبردستی ہتھیانا چاہتی ہے اور اس سلسلے میں رقم کی منتقلی کیلئے ان سے ان کے اکائونٹ نمبر مانگے گئے ہیں۔مظاہرین کا کہنا تھا کہ ہمارے احتجاج کا مقصد مودی حکومت پر واضح کرنا ہے کہ ہمیں اس کے پیسے نہیں چاہیں کیونکہ وہ بے گھر نہیں ہونا چاہتے۔انہوں نے مقبوضہ کشمیر کے لیفٹیننٹ گورنر منوج سنہا کی انتظامیہ سے مداخلت کرنے اور انہیں بے گھر ہونے سے روکنے کا مطالبہ کیا۔
واضح رہے کہ بھارت میں نریندر مودی کی حکومت برسر اقتدار آنے کے بعد سے کشمیری مسلمانوں کی زمینیں کسی نہ کسی بہانے چھیننے اور انہیں بے گھر کرنے سمیت متعدد غیر انسانی ہتھکنڈوں کے ذریعے مقبوضہ علاقے میں آبادی کے تناسب کو بگاڑنے کی مذموم کوششیں جاری ہیں۔
تازہ ترین
- اپوزیشن جماعتوں نے تحقیقاتی اداروں کے غلط استعمال پرمودی حکومت کیخلاف سپریم کورٹ میں عرضداشت دائر کردی
- محمود ساغر کی طرف سے کشمیر بارے آرمی چیف جنرل عاصم منیر کے بیان کا خیرمقدم
- مقبوضہ کشمیرمیں انسانی حقوق کی پامالیوں میں شویشناک حد تک اضافہ ہو گیا ہے،رپورٹ
- اپوزیشن جماعتوں کو بی جے پی کا مقابلہ کرنے کیلئے متحد ہونا ہو گا، محبوبہ مفتی
- بھارتی پولیس نے امرت پال سنگھ کو پناہ دینے پر ہریانہ کی ایک خاتون کو گرفتار کرلیا
- بھارتی فوجیوں نے سوپور سے ایک کشمیری نوجوان گرفتار کر لیا
- مظفر آباد،میر پور:کشمیریوں نے یوم پاکستان بھرپور جوش و جذبے سے منایا
- جموں و کشمیر پاکستان کی شہ رگ ہے ، مشعال ملک
- کسی بھی ملک میں جمہوریت کیلئے آزادی صحافت ناگزیر ہے،چیف جسٹس آف انڈیا
- ہتک عزت کے مقدمے میں راہل گاندھی کی سزا کے خلاف اپوزیشن پارٹیوں کی مودی حکومت پر کڑی تنقید