بی جے پی بھارتی آئین کو بلڈوز کر رہی ہے، محبوبہ مفتی

سرینگر 16 اپریل (کے ایم ایس) بھارت کے غیر قانونی زیر قبضہ جموںوکشمیر میں پیپلز ڈیموکریٹک پارٹی (پی ڈی پی) کی صدر محبوبہ مفتی نے کہا ہے کہ بھارتیہ جنتا پارٹی (بی جے پی) آئین کو بلڈوز کررہی ہے اور زعفرانی پارٹی کے رہنمامسلمانوں کو ان کے گھروں اور روزی روٹی سے محروم کرنے پر تلے ہوئے ہیں۔
کشمیر میڈیاسروس کے مطابق محبوبہ مفتی نے اپنے ٹویٹ میں لکھا کہ بی جے پی آئین کو بلڈوز کر رہی ہے اور اب وہ اقلیتوں کے گھروں تک پہنچ گئی ہے۔ انہوںنے کہا کہ بی جے پی رہنما مسلمانوں سے سب کچھ چھیننے کیلئے ایک دوسرے پر سبقت لے جا رہے ہیں چاہے وہ انکے گھر، معاش اور عزت ہو۔ انہوںنے لکھا کہ بی جے پی بھارت کے تصور کو برباد کر رہی ہے جس پر اکثریتی برادری (ہندو) کی خاموشی باعث تشویش ہے۔