مقبوضہ جموں و کشمیر
دنیامقبوضہ جموں وکشمیر میں جاری جرائم کے لیے بھارت کو جوابدہ بنائے: پاکستان
اسلام آباد 08 مارچ (کے ایم ایس)پاکستان نے عالمی برادری پر زور دیا ہے کہ وہ بھارت کو مقبوضہ جموں و کشمیر میں اس کے فوجیوں کی طرف سے جاری سنگین جرائم کے لئے جوابدہ ٹھہرائے۔
کشمیر میڈیا سروس کے مطابق دفتر خارجہ کے ترجمان عاصم افتخار نے آج خواتین کے عالمی دن کے موقع پر جاری ایک بیان میں کہا کہ ہم مقبوضہ جموں وکشمیر کی مظلوم خواتین کے ساتھ اظہار یکجہتی کرتے ہیں۔انہوں نے کہا کہ مقبوضہ علاقے میں خواتین سات دہائیوں سے زائد عرصے سے جنسی تشدد، عصمت دری اور توہین آمیز سلوک سمیت انسانی حقوق کی سنگین پامالیاں برداشت کر رہی ہیں۔ترجمان نے کہا کہ ان جرائم کو اقوام متحدہ کے ہائی کمشنر برائے انسانی حقوق کے دفتر اور اقوام متحدہ کے مختلف خصوصی نمائندوںنے دستاویزی شکل دی ہے۔
