محبوبہ مفتی کی طرف سے شوپیاں میں کشمیری نوجوان کے دوران حراست قتل کی مذمت
سرینگر 19اکتوبر (کے ایم ایس)
غیر قانونی طور پر بھارت کے زیر قبضہ جموں و کشمیر میں پیپلز ڈیموکریٹک پارٹی کی سربراہ محبوبہ مفتی نے ضلع شوپیاںمیں بھارتی فوجیوں کے ہاتھوں ایک کشمیری نوجوان کے دوران حراست قتل مذمت کرتے ہوئے اس واقعے کی غیر جانبدارانہ تحقیقات کا مطالبہ کیا ہے۔
کشمیر میڈیا سروس کے مطابق نوجوان عمران بشیر گنائی کو بھارتی فورسز نے گزشتہ روز ضلع کے علاقے حرمین میں ایک دستی بم دھماکے میں دو بھارتی مزدوروں کی ہلاکت کے بعد محاصرے اور تلاشی کی کارروائی کے دوران حراست میں لیا تھا۔ اس کے بعد فوجیوں نے اسے ضلع کے علاقے نوگام لے جاکر جعلی مقابلے میں شہید کر دیاتھا۔محبوبہ مفتی نے ایک ٹویٹ میں کہا کہ نہتے کشمیریوں کے قتل کے واقعات کا جواز پیش کرنے کیلئے انہیں عسکریت پسند قراردے دیا جاتا ہے ۔ عمران گنائی کو پولیس نے حراست میںلینے کے بعد مبینہ طور پر عسکریت پسند قراردیکر ایک جعلی مقابلے میں شہید کیا ہے اور اس واقعے کی مکمل تحقیقات کی جانی چاہیں۔
