بھارت
آگرہ: وکلا ءنے گرفتار کشمیری طلباءکو قانونی مدد فراہم کرنے سے انکار کر دیا
آگرہ بھارت 30اکتوبر ( کے ایم ایس )
بھارتی ریاست اتر پردیش کے شہرآگرہ میں وکلاءتنظیموں نے ان تین کشمیری طلباءکو قانونی مدد فراہم کرنے سے انکار کر دیا ہے جنہیں ٹی۔20 کرکٹ ورلڈ کپ کے میچ میںپاکستان کے ہاتھوں بھارت کی شکست کے بعد سوشل میڈیا پر پاکستانی کرکٹ ٹیم کی تعریف والے پیغامات پوسٹ کرنے کے الزام میں گرفتار کیا گیا ہے۔ کشمیر میڈیاسروس کے مطابق یوتھ لائرز ایسوسی ایشن آگرہ، آگرہ ایڈووکیٹ ایسوسی ایشن، جنپد بار ایسوسی ایشن، لائرز کارپوریشن کمیٹی اور آگرہ یوتھ وشال ایڈوکیٹ ایسوسی ایشن نے کہاہے کہ وہ کشمیری طلباءکو قانونی مدد فراہم نہیں کریں گے۔آگرہ کے وکلا ءکی طرف سے قانونی مدد کی فراہمی سے انکار کے بعد گرفتار طلباء ارشد یوسف، عنایت الطاف شیخ اور شوکت احمد گنائی کے اہلخانہ دوسرے شہروں میں وکلا سے رجوع کرنے پر مجبور ہو گئے ہیں۔
