بھارت
بھارت :چھتیس گڑھ میں لوگوں کے پرتشدد مظاہرے
رائے پور:بھارتی ریاست چھتیس گڑھ کے ضلع بلوڈا بازار میں درجہ فہرست ذات ” ستنامی برادری” کے ہزاروں افراد نے شدید احتجاج کرتے ہوئے پولیس پر حملہ کیا اور کلکٹریٹ کی عمارت کو آگ لگادی۔
کشمیر میڈیا سروس کے مطابق مظاہرین نے15اور16 مئی کو اپنے مذہبی مقام جیٹکھم کی بے حرمتی کی تحقیقات کا مطالبہ کرتے ہوئے کئی گاڑیوں اور املاک کی توڑ پھوڑ کی۔مظاہرین کا کہنا تھا کہ پولیس اصل مجرموںکو تحفظ فراہم کر رہی ہے۔گیرودھپوری قصبے میں واقع جیٹکھم ستنامی برادری کی ایک مذہبی علامت ہے جس کی توڑ پھوڑ کی گئی تھی اور اسکے خلاف لوگوں میں شدید غم و غصہ پیدا ہوا اور احتجاجی مظاہرے پھوٹ پڑے۔ مظاہرین کا کہنا ہے کہ پولیس اہم مجرموں کو بچا رہی ہے۔ریاستی وزیر اعلیٰ اوروزیر داخلہ نے واقعے کی عدالتی تحقیقات کا وعدہ کیا جس کے بعد احتجاج ختم ہوا۔
