(کشمیر میڈیا سروس)
نئی دلی 28مارچ (کے ایم ایس)آل انڈیا مسلم پرسنل لاء بورڈ نے تعلیمی اداروں میں حجاب پر پابندی کے کرناٹک ہائی کورٹ کے فیصلے کو بھارتی سپریم کورٹ میں چیلنج کردیا ہے ۔ بورڈ نے اپنی عرضداشت میں کہاہے کہ ہائی کورٹ نے اپنے فیصلے میں غلط دلائل کا سہا رالیا ہے اور مسلم خواتین کی مذہبی آزادی اور آئینی حقوق کو سلب کیا ہے۔
کشمیرمیڈیاسروس کے مطابق آل انڈیا مسلم پرسنل لا بورڈ نے ایڈووکیٹ ایم آر شمشاد کے ذریعہ15 مارچ کے کرناٹک ہائی کورٹ حکم کو چیلنج کیا ہے جس میں تعلیمی اداروں میں مسلم طالبات کے حجاب پر پابندی عائد کی گئی ۔ عرضدشت میں دعویٰ کیا گیاہے کہ کرناٹک ہائی کورٹ کے فیصلے میں اسلامی قانون کے بنیادی اور اعلی ترین ماخذ یعنی قرآن پاک کی غلط تشریح کی گئی ہے اورہائی کورٹ نے مسلم خواتین کی مذہبی آزادی اور آئینی حقوق کو سلب کیا ہے۔درخواست کے مطابق تمام مکاتب فکر کااس بات پر اتفاق ہے کہ اسلام میں حجاب کی پابندی واجب اور لازمی ہے۔عرضداشت میں مزید کہاگیاہے کہ انہوں نے کبھی بھی اسکول یونیفارم پہننے پر اعتراض نہیںکیا ہے اور انہیں یونیفارم کے ایک ہی رنگ کاحجاب پہننے کی اجازت دی جائے ۔درخواست میں مزید کہاگیاہے کہ دراصل حقیقت یہ ہے کہ خواتین کی عزت نفس اور وقار کی قیمت پر تعلیم کے حق سے فائدہ اٹھانے کے لیے اپنا حجاب اتارنے پر مجبور ہیں۔
تازہ ترین
- سری نگر سے لاش برآمد
- جموں:بھارتی پولیس نے سکھ میاں بیوی کو گرفتار کر لیا
- کٹھوعہ :بھارتی پیرا ملٹری افسر دل کا دورہ پڑنے سے ہلاک
- مقبوضہ کشمیرکے میدانی علاقوں میں بارش، بالائی علاقوں میں برفباری
- سری نگر جموں شاہراہ لینڈ سلائینڈنگ کے باعث ٹریفک کیلئے بند
- کشمیری ہر قیمت پر حق خودارادیت حاصل کریں گے، کل جماعتی حریت کانفرنس
- بھارت انسانی حقوق کے کشمیری محافظوں کیخلاف کریک ڈاﺅن ختم کرے، میری لالر
- مودی حکومت پارلیمنٹ کو اپنے گھناﺅنے مقاصد کیلئے استعمال کر رہی ہے ، وزیر اعلیٰ تلنگانہ
- کرناٹک: بی جے بی کی فسطائی حکومت نے 4فیصد مسلم کوٹہ ختم کر دیا
- راجستھان : ناتجربہ کاری ،بھارتی فوج نے مشق کے دوران 3 میزائل غلط داغ دیے