بھارت

مقبوضہ جموں وکشمیر:بھارتی پولیس نے حریت رہنما سمیت چھ کشمیری گرفتار کر لیے

nationalherald_2021-01_af1b2812-1967-4912-9414-8ceaead407e5_handcuff

سرینگریکم اپریل(کے ایم ایس) بھارت کے غیر قانونی زیر قبضہ جموں و کشمیر میں بھارتی پولیس نے پلوامہ ، جموں اور کٹھوعہ کے اضلاع سے کل جماعتی حریت کانفرنس کے ایک رہنما سمیت چھ افراد گرفتار کر لیے ہیں۔
بھارتی پولیس اور پیرا ملٹری اہلکاروں نے اویس الطاف، عاقب منظور اور وسیم احمد کوضلع کے علاقے کریم آباد میں محاصرے اور تلاشی کی کارروائی کے دوران گرفتار کیا۔ پولیس نے گرفتار نوجوانوں پر ایک مجاہد تنظیم کے ساتھ کام کرنے کا الزام عائد کیا ہے۔
ادھر بھارتی پولیس نے جموںاور کٹھوعہ اضلاع میں گھروں پر چھاپوں کے دوران کل جماعتی حریت کانفرنس کے رہنما محمد شریف سرتاج کے علاوہ گردیو سنگھ اور سدھانت شرما نام کے دو افراد گرفتار کر لیے۔
پولیس نے کٹھوعہ میں ایک شخص سے حوالہ لین دین کی رقم وصول کرنے کے ایک فرضی مقدمے میں سابق وزیر جتیندر سنگھ المعروف بابو سنگھ کے گھر پر چھاپہ مارا۔
دریں اثناضلع پلوامہ کے علاقے مران میں نافعہ بلال نامی ایک 14 سالہ لڑکی لاپتہ ہوگئی ۔ وہ گھر سے سکول جانے کیلئے نکلی تھی اور واپس گھر نہیں لوٹی۔

متعلقہ مواد

Leave a Reply

Back to top button
%d