(کشمیر میڈیا سروس)
برمنگھم 21 مئی (کے ایم ایس) کشمیری تارکین وطن نے کہا ہے کہ اگر بھارت کے غیر قانونی فوجی قبضے کے خلاف جدوجہد کرنا جرم ہے تو کشمیری بار بار اس جرم کو کرنے کے لیے تیار ہیں۔
کشمیر میڈیاسروس کے مطابق کشمیری تارکین وطن رہنما فہیم کیانی نے برمنگھم میں ایک بھارت مخالف مظاہرے سے خطاب کے دوران کشمیری رہنما محمد یاسین ملک کے خلاف بھارتی عدالت کے فیصلے کو تنقید کا نشانہ بناتے ہوئے کہا کہ بھارتی قبضے کے خلاف آزادی کی جدوجہد درست، جائز اور حقیقی ہے جسے بین الاقوامی قانون اور اقوام متحدہ کی قراردادوں کی حمایت حاصل ہے۔ فہیم کیانی جو تحریک کشمیر برطانیہ کے صدر ہیں نے کہاکہ محمد یاسین ملک کے خلاف عدالتی فیصلہ ہمارے اس موقف کی توثیق ہے کہ بھارتی عدلیہ نریندر مودی کے تابع فرمان ہے۔ انہوں نے کہا کہ محمد یاسین ملک پر جھوٹے الزامات کے تحت فرد جرم عائد کی گئی اور انہیں مجرم ٹھہرایا گیا ۔انہوں نے مزید کہا کہ کشمیر نہ تو بھارت کا حصہ تھا اور نہ ہی اس کا حصہ ہے۔فہیم کیانی نے کہا کہ بھارت ماضی میں بھی کشمیری مزاحمتی قیادت کے خلاف ایسے حربے استعمال کرتا رہا ہے لیکن پھر بھی آزادی کی آواز کو دبانہیں سکا۔ تحریک کشمیر برمنگھم کے صدر قمر عباس نے اس موقع پر کہا کہ کشمیری اپنے ناقابل تنسیخ حق، حق خود ارادیت کے لیے جدوجہد کر رہے ہیں۔ انہوں نے کہا کہ بھارت اوچھے ہتھکنڈوں سے کشمیری حریت پسند قیادت کو حق پر مبنی مقصد سے ہرگز پیچھے نہیں ہٹا سکتا ۔
تازہ ترین
- بھارت میں اقلیتوں کے حقوق کی تشویشناک حد تک خلاف ورزیاں جاری ہیں
- مقبوضہ کشمیر:پولیس کا ڈپٹی سپرنٹنڈنٹ سرینگر سے گرفتار
- نریندر مودی خطے میں دہشت گردی میں ملوث ہے ،مشعال ملک
- کینیڈا ،انڈیا سفارتی تنازعہ شدت اختیار کرگیا، بھارت نے کینیڈا کیلئے ویزا سروسز تاحکم ثانی معطل کردیں
- محمود ساغر کا ترک صدر کے نام خط ،جنرل اسمبلی میں مسئلہ کشمیر اجاگر کرنے پر شکریہ ادا کیا
- کینیڈا نے بھارت کی سفری ہدایات کو مسترد کردیا
- کینیڈا میں خالصتان تحریک کا ایک اور لیڈر سکھدول سنگھ قتل
- صدر بائیڈن سکھ لیڈر کے قتل میں بھارت کے ملوث ہونے کے الزامات کو سنجیدگی سے دیکھ رہے ہیں ، جان کربی
- ہردیپ سنگھ نجار کے قتل کے بعد کینیڈا میں سکھ اور دیگرامیگرینٹ کمیونٹیز خود کو غیر محفوظ سمجھتی ہیں، جگمیت سنگھ
- تنازعہ کشمیر جنوبی ایشیائی خطے کے امن و استحکام کو درپیش اہم ترین چیلنج ہے ، سعودی وزیر خارجہ