شرومنی گردوارہ پربندھک کمیٹی نے سکھ یاتریوں کا قافلہ پاکستان روانہ کردیا

امرتسر21جون (کے ایم ایس)بھارت میں شرومنی گرودوارہ پربندھک کمیٹی نے سکھ یاتریوں کے ایک قافلے کو خالصائی نعروں کی گونج میں پاکستان کے لئے روانہ کردیا ہے۔


کشمیرمیڈیا سروس کے مطابق قافلے کی قیادت کمیٹی کے رکن گرمیت سنگھ بوہ کررہے ہیں جب کہ متو سنگھ کہانے ان کے نائب ہیں۔ روانگی سے قبل شرومنی گرودوارہ پربندھک کمیٹی کے سکریٹری پرتاپ سنگھ، ڈپٹی سکریٹری (میڈیا)کلوندر سنگھ رامداس اور دیگر عہدیداروں نے قافلے کے رہنمائوں سے ملاقات کی۔ قافلے کے سربراہ گرمیت سنگھ بوہ نے کہا کہ انہیں قافلے کی قیادت کرنے کا اعزاز حاصل ہوا ہے۔ انہوں نے بتایا کہ وہ لاہور میں مہاراجہ رنجیت سنگھ کے یوم پیدائش کی تقریب میں شرکت کریں گے۔انہوں نے کہاکہ وہ گوردوارہ سری پنجہ صاحب آدی گرودھاموں کا دورہ کریں گے۔انہوں نے کہا کہ وہ گوردوارہ سری ڈیرہ صاحب لاہور پہنچیں گے جہاں 29جون کو مہاراجہ رنجیت سنگھ کی برسی سے متعلق ایک تقریب کا انعقاد کیا جائے گا۔ انہوں نے بتایا کہ ان کی واپسی 30 جون کو ہوگی۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

%d bloggers like this: