(کشمیر میڈیا سروس)
ا
سلام آباد12اگست (کے ایم ایس )
پاکستان نے افسوس کا اظہار کیا ہے کہ بھارت میں برسراقتدار بھارتیہ جنتا پارٹی کی حکومت اپنے مذموم سیاسی ایجنڈے کی تکمیل کیلئے تاریخ کی یکطرفہ اور مسخ شدہ تشریح کے ذریعے عوام کے جذبات سے کھیلنے کی کوشش کر رہی ہے۔
کشمیرمیڈیاسروس کے مطابق دفتر خارجہ کے ترجمان عاصم افتخار نے جمعہ کو اپنی پریس بریفنگ کے دوران کہا کہ یہ بدقسمتی کی بات ہے کہ جیسے جیسے بھارت اور پاکستان کے عوام یوم آزادی کی تقریبات کے قریب پہنچ رہے ہیں، بی جے پی حکومت نے 14 اگست کو تقسیم کی ہولناک یادگارکے دن کے طور پر منانے کے اپنے شر انگیز اقدام سے اپنا اصل چہرہ واضح کردیا ہے۔انہوں نے کہاکہ بھارتی حکومت آزادی سے متعلق واقعات کو سیاسی رنگ دینے سے باز رہے اور اس کے بجائے ان تمام لوگوں کی یادوں کو مخلصانہ طور پر خراج تحسین پیش کرے جنہوں نے سب کے بہتر مستقبل کے لیے اپنی جانیں قربان کیں۔انہوں نے کہا کہ ہم اس اقدام کی شدید مذمت کرتے ہیں جو نفرت، غلط معلومات اور فرقہ پرستی کی قابل مذمت پالیسی کی عکاسی کرتا ہے جو بی جے پی زیرقیادت آج کے بھارت کی پہچان بن چکی ہے۔ عاصم افتخار نے کہا کہ بی جے پی اپنے مذموم سیاسی ایجنڈے کی تکمیل کیلئے عوام کے جذبات سے کھیلنے کی کوشش کر رہی ہے۔انہوں نے واضح کیا کہ پاکستان فخر کے ساتھ اپنی آزادی کی ڈائمنڈ جوبلی شاندار طریقے سے منائے گا، پاکستان بھر اور بیرون ملک یوم آزادی پاکستان کے اس اہم موقع کو مختلف سرگرمیوں کے ساتھ منانے کے لیے وفاقی اور صوبائی حکومتوں میں تیاریاں جاری ہیں، آزادی کی ڈائمنڈ جوبلی کے موقع پر خاص طور پر ہمارے قومی ترانے کی نئی ریکارڈنگ کی ریلیز بھی شامل ہے۔ وزارت خارجہ بھی 14اگست کو وزارت کے افسروں کی طرف سے خصوصی طور پر ریلیز ہونے والے نغمے پاکستان ایٹ 75 کے ذریعے خراج تحسین پیش کرے گی۔ انہوں نے کہا کہ جیسا کہ پورا ملک سفید اور سبز رنگ کے تہواروں میں سجا ہوا ہے، دنیا بھر میں پاکستانی مشنز بھی پرچم کشائی کی شاندار تقریبات، سفارتی استقبالیہ، فنون لطیفہ سے لے کر متعدد تقریبات منعقد کریں گے جن میں پاکستانی تارکین وطن بھی شرکت کریں گے۔ انہوں نے کہا کہ ایکسپوز، کھیلوں کی تقریبات، جشن کی شامیں، میوزیکل نائٹس، تجارتی نمائشوں کے علاوہ مضبوط اور متحد ڈیجیٹل مہمات ڈائمنڈ جوبلی کی ان تقریبات کا حصہ ہونگی۔
تازہ ترین
- مقبوضہ جموں و کشمیر میں صحافیوں اور اقوام متحدہ سے منسلک تنظیموں کے خلاف انتقامی کارروائیوں میں اضافہ ہوا ہے
- عدالت کا وحید پرہ کو والد کے علاج کے لیے کشمیر سے باہر جانے کی اجازت دینے سے انکار
- مقبوضہ جموں و کشمیر کے ضلع پونچھ میں این آئی اے کے چھاپے
- بھارت: ہائی کورٹ نے گواہاٹی ایئرپورٹ پرنماز پڑھنے کے لیے جگہ فراہم کرنے کی درخواست مستردکردی
- پولیس اہلکار نے زمین کے تنازعے پر بھائی کو قتل کردیا
- بھارتی فوجیوں نے مزید دو کشمیری نوجوان جعلی مقابلے میں شہید کردیے
- بھارت :منی پور میں ریاست کا کردار متعصبانہ رہا ہے: امن کارکن
- لندن: خالصتان حامی سکھوں نے بھارتی ہائی کمشنر کو گردوارے میں داخل ہونے سے روک دیا
- مقبوضہ جموں وکشمیر: بھارتی فوجیوں نے کپواڑہ میں دو نوجوان شہید کر دیے
- مقبوضہ جموں وکشمیر: عید میلا دالنبیﷺ انتہائی جوش و خروش سے منائی گئی