محبوبہ مفتی کی علمائے دین پرکالا قانون ” پی ایس اے“ لاگو کرنے کی مذمت
سرینگر16 ستمبر (کے ایم ایس)بھارت کے غیر قانونی زیر قبضہ جموں و کشمیر میں پیپلز ڈیموکریٹک پارٹی (پی ڈی پی) کی صدر محبوبہ مفتی نے قابض بھارتی انتظامیہ کی طرف سے علمائے دین پر کالا قانون پبلک سیفٹی ایکٹ لاگو کیے جانے کی مذمت کی ہے۔
محبوبہ مفتی نے آج ایک ٹوئٹ میں سوال کیا کہ اگر بھارتی حکومت کے دعوے کے مطابق مقبوضہ جموںوکشمیرمیں پتھراو¿ اور بھارت مخالف سمجھی جانے والی دیگر سرگرمیاں صفر کے درجے پرآگئی ہیں اور حالات معمول کے مطابق ہیں تو علمائے دین پر بی ایس اے جیسے کالے قوانین لاگو کیوں کیے جا رہے ہیں۔
پی ڈی پی سربراہ نے کہا کہ اس طرح کی کارروائیاں بی جے پی کی فرقہ وارانہ ذہنیت کی عکاسی کرتی ہیںاور وہ ایسے اقدامات کی سخت مذمت کرتی ہیں ۔
قابض حکام نے گزشتہ روز تین علماءمولانا عبدالرشید داو¿دی، مولانا مشتاق احمد ویری اور عبدالمجید دار المدنی سمیت پانچ افراد کو گرفتار کرے ان پر کالا قانون پبلک سیفٹی ایکٹ لاگو کر دیا۔
