(کشمیر میڈیا سروس)
سرینگر 02فروری (کے ایم ایس)
کل جماعتی حریت کانفرنس کے سینئر رہنما غلام احمد گلزار نے افسوس ظاہر کیاہے کہ مودی کی فسطائی بھارتی حکومت غیر قانونی طور پر بھارت کے زیر قبضہ جموں و کشمیر میں آبادی کے تناسب کو بگاڑنے کیلئے مقبوضہ علاقے سے مسلمانوں کی جبری بے دخلی اور ہندو جنونیوں کو آباد کرنے پر تلی ہوئی ہے ۔
کشمیرمیڈیاسروس کے مطابق غلام احمد گلزار نے سرینگر میں جاری ایک بیان میں کہا کہ مودی حکومت 05 اگست 2019کومقبوضہ کشمیرکی خصوصی حیثیت کی منسوخی کے بعد سے کشمیریوں سے انکی شناخت، ثقافت اور زمینوں کو چھیننے اور ان پرہندوتوانظریہ مسلط کرنے کیلئے یکے بعد دیگر اقدامات کرر ہی ہے ۔ انہوں نے واضح کیاکہ مقبوضہ علاقے میں تجاوزات ہٹانے کی نام نہاد مہم کے نام پر کشمیریوںکی زمینوں پر قبضے اوران کے گھروں کو مسمار کرنے کا حالیہ اقدام کشمیریوں کی جبری طورپر بے دخلی اور انہیں ان کی زمینوں اور وسائل سے محروم کرنے کی ایک اور سازش ہے۔غلام احمد گلزار نے کہا کہ سرینگر میںکل جماعتی حریت کانفرنس کے دفتر کو ضبط کرنا کشمیریوں کو خوف و دہشت میں مبتلا کرنے کی ایک اور مذموم کوشش ہے۔ انہوں نے مزید کہا کہ حریت کانفرنس کشمیر عوام کی امنگوں کی نمائندگی کرتی ہے اور اسکے دفتر کی عمارت کو ضبط کئے جانے سے صرف کشمیریوں کا جذبہ حریت مزید مضبوط ہو گا ۔انہوں نے کہا کہ طاقت کے وحشیانہ استعمال اور سازشوں کے ذریعے جموںو کشمیر پر قبضہ کرنے اور اسے فتح کرنے کے بھارت کے مذموم عزائم بری طرح ناکام ہو چکے ہیں ۔ انہوں نے کہا کہ تازہ ترین بے دخلی کی مہم، املاک کی تباہی اور سرینگر میں حریت کانفرنس کے صدر دفتر کو ضبط کئے جانے سے بھارت میں ہندوتوا طاقتوں کی بڑھتی ہوئی مایوسی ظاہر ہوتی ہے۔غلام احمد گلزار نے کشمیریوں کے حق خودارادیت کے حصول کی منصفانہ جدوجہد کی غیر متزلزل حمایت پر پاکستان کا شکریہ ادا کیا۔ انہوں نے کہا کہ پاکستان کشمیریوں کا محسن ہے کیونکہ وہ 1947سے مسلسل تمام بین الاقوامی فورموں پر کشمیر یوں کی حمایت جاری رکھے ہوئے ہے۔انھوں نے کہا کہ پاکستان کی طرف سے ہر سال5فروری کو منائے جانیوالے یوم یکجہتی کشمیر سے مقبوضہ کشمیرکے مظلوم عوام کے حوصلے بلند ہوتے ہیں ۔ انہوں نے پشاور میں ہونے والے حالیہ دہشت گرد حملے کی مذمت کرتے ہوئے کہا کہ پاکستان کو کمزور کرنے کیلئے اس طرح کی گھنائونی کارروائیاں بھارت کی پشت پناہی اور مالی معاونت سے کی جاتی ہیں۔ انہوں نے دھماکے کے شہداء کی بلندی درجات کیلئے دعا کی اور سوگوار خاندانوں سے ہمدردی کا اظہار کیا۔
ادھر کل جماعتی حریت کانفرنس آزاد کشمیر شاخ کے رہنما محمد سلطان بٹ نے اسلام آباد میں ایک بیان میں سرینگر میں حریت کانفرنس کے صدردفتر کو ضبط کرنے ، جبری بے دخلی کی مہم، املاک کی تباہی اورمقبوضہ کشمیرمیں مودی حکومت کے دیگر ظالمانہ ہتھکنڈوں کی شدید مذمت کی ہے۔ انہوں نے کشمیریوں کی جدوجہد آزادی کی مسلسل حمایت جاری ر کھنے پر پاکستان کا شکریہ ادا کیا۔ انہوں نے امید ظاہر کی کہ پاکستان تنازعہ کشمیر کو بین الاقوامی سطح پر اجاگر کرنے کے لیے اپنی کوششیں مزیدتیز کرے گا۔
تازہ ترین
- مظفر آباد،میر پور:کشمیریوں نے یوم پاکستان بھرپور جوش و جذبے سے منایا
- جموں و کشمیر پاکستان کی شہ رگ ہے ، مشعال ملک
- کسی بھی ملک میں جمہوریت کیلئے آزادی صحافت ناگزیر ہے،چیف جسٹس آف انڈیا
- ہتک عزت کے مقدمے میں راہل گاندھی کی سزا کے خلاف اپوزیشن پارٹیوں کی مودی حکومت پر کڑی تنقید
- اقوام متحدہ میں پاکستان کے مستقل مندوب منیر اکرم کی یوم پاکستان پرپاکستانی عوام کومبارکباد
- پاکستانی ہائی کمیشن نئی دلی میں یوم پاکستان روایتی جوش و جذبہ سے منایا گیا
- پنجاب:بھارتی پولیس کے کریک ڈائون اورانٹرنیٹ سروس کی معطلی کیخلاف بیرون ملک مقیم سکھوں کا شدید غم وغصہ
- شہید عبدالمجید ڈارکو یوم شہادت پر شاندار خراج عقیدت
- مقبوضہ کشمیر:یوم پاکستان کے موقع پر مبارکباد کے پیغامات والے پوسٹر چسپاں
- کشمیریوں کا ’الحاق پاکستان“ کا خواب ضرور پورا ہوگا، مقررین