(کشمیر میڈیا سروس)
راولپنڈی 05 فروری (کے ایم ایس) پنجاب کونسل آف دی آرٹ نے” یوم یکجہتی کشمیر“ کے موقع پر بھارت کے غیر قانونی زیر قبضہ جموںو کشمیر کے محکوم لوگوں پر بھارتی مظالم پر مبنی تصویری نمائش کا انعقاد کیا۔
کشمیر میڈیا سروس کے مطابق افتتاحی تقریب کے مہمان خصوصی کل جماعتی حریت کانفرنس آزاد جموںوکشمیر شاخ کے سیکرٹری اطلاعات امتیاز وانی تھے۔ انہوں نے نمائش کے شرکاءسے خطاب کرتے ہوئے کہا کہ مقبوضہ کشمیر کی آزادی کے بغیر عالمی امن کا خواب کبھی پورا نہیں ہو سکتا۔انہوں نے کہا کہ آج تک لاکھوں کشمیریوں نے آزادی کیلئے اپنی جانوں کا نذرانہ پیش کیا ہے اور کشمیریوں کا ایک ہی مطالبہ ہے کہ انہیں حق خود ارادیت دیا جائے۔
ڈائریکٹر آرٹس کونسل وقار احمد نے کہا کہ پوری پاکستانی قوم کشمیریوں کے ساتھ کھڑی ہے، بھارتی جبر کشمیریوں کے جذبہ آزادی کو دبا نہیں سکتا، ہر کشمیری پاکستان سے بے پناہ محبت کرتا ہے۔ انہوں نے کہا کہ ہم کشمیری عوام کو خراج تحسین پیش کرتے ہیں،ان کی قربانیاں رائیگاں نہیں جائیں گی۔ تصویری نمائش سے قبل مری روڈ سے آرٹس کونسل تک یکجہتی واک کا انعقاد کیا گیا جس میں سول سوسائٹی کے ارکان سمیت طلبا کی بڑی تعداد نے شرکت کی۔
یوم یکجہتی کشمیر کے موقع پر آل پاکستان پرائیویٹ سکولز مینجمنٹ ایسوسی ایشن کے تعاون سے ٹیبلوز، تقریری اور کشمیری گیتوں کے مقابلوں کا انعقاد کیا گیا۔ٹیبلو کے مقابلوں میں ایگل پبلک سکول نے پہلی، ایمز سکول سسٹم نے دوسری، الفاروق پبلک سکول نے تیسری جبکہ گرین ویلی سکول نے چوتھی پوزیشن حاصل کی۔ تقریری مقابلوں میں معصومہ، تہنیہ عابد، سحر فاطمہ اور سائر نے بالترتیب پہلی، دوسری، تیسری اور چوتھی پوزیشن حاصل کی۔ کشمیری گیتوں کے مقابلوں میں مبینہ پہلے، شایان دوسرے، عائشہ تیسرے اور ایمان فاطمہ چوتھے نمبر پر آئیں۔
تازہ ترین
- کولگام : ایک شخص پراسرار حالت میں مردہ پایا گیا
- بی جے پی والوںکیطرف سے جان سے مارنے کی دھمکیاں مل رہی ہیں، بھارتی مسلمان رکن پارلیمنٹ
- مقبوضہ جموں وکشمیر: ہائیکورٹ نے 2افراد کی نظر بندی کالعدم قراردیدی
- بھارت : خودکشی کے واقعات میں خطرناک حد تک اضافہ
- نئی دلی: ہندو تواغنڈوں نے مسلمان شخص کو پیٹ پیٹ کر قتل کر دیا
- بی جے پی اقتدار میں واپس آئی تو جموں و کشمیر اور بھارت میں جمہوری نظام لپیٹ دے گی: محبوبہ مفتی
- بھارت جابرانہ پالیسی ترک کر کے کشمیریوں کو حق خود ارادیت دے، کل جماعتی حریت کانفرنس
- مدھیہ پردیش: نابالغ لڑکی کو آبروریزی کا نشانہ بنایا گیا
- بی جے پی حکومت نے منی پور کو میدان جنگ بنا دیا ہے، کانگریس
- منی پور : مشتعل ہجوم نے بی جے پی دفتر نذر آتش کر دیا