پنچایت کی ناقص کاکردگی پر ضلع پونچھ کے 3پنچوں نے استعفیٰ دیدیا
جموں16 فروری (کے ایم ایس)
غیر قانونی طور پر بھارت کے زیر قبضہ جموں و کشمیر میں ضلع پونچھ کی پنچایتوں کی ناقص کارکردگی کے خلاف کاہنو کالانی پنچایت کے تین پنچوں نے احتجاجا استعفیٰ دے دیا ہے۔
کشمیرمیڈیاسروس کے مطابق بلاک سترہ کے پنچوں نے ضلع کے علاقے منڈی میں پنچایتوں کی کاکردگی پر عدم اطمینان کا اظہار کرتے ہوئے اپنی پنچایت رکنیت سے استعفیٰ دیا ۔ وارڈنمبر 1، 3اور 4سے بالترتیب ذوالفقار احمد، ریاض احمد اور طارق حسین نے بلاک ڈیولپمنٹ آفیسر ستھرا کو اپنے استعفے دئے ۔مستعفی ہونے سے قبل میڈیا سے گفتگو کرتے ہوئے پنچایت وارڈ ممبران نے کہا کہ ان کی پنچایت میں ترقی کی رفتارانتہائی سست ہے اور علاقے میں ریت اور لینڈ مافیا بھی علاقے میں سرگرم ہے۔ انہوں نے کہاکہ مقبوضہ علاقے کے دریائوں اور نالوں کی ریت مودی حکومت نے جموں و کشمیر کے لوگوں سے چھین کر اسے بھارتی وزیر داخلہ کے بیٹے کے حوالے کر دی ہے ۔ پنچایت ممبران نے یہ بھی کہا کہ ان کے وارڈوں میں کوئی ترقیاتی کام نہیں ہو رہا ہے اور بار بار منت سماجت کرنے کے باوجود متعلقہ حکام ان کے مسائل پر کوئی توجہ نہیں دیتے۔
