(کشمیر میڈیا سروس)
نئی دہلی25مارچ(کے ایم ایس)کانگریس کی سینئررہنما پرینکا گاندھی واڈرا نے کہا ہے کہ ہمارے خاندان کے خلاف مسلسل بیان بازی پر کسی جج نے وزیر اعظم نریندر مودی سمیت کسی بھی بی جے پی رہنما کو دو سال کی سزا نہیں سنائی اورنہ ہی کسی کو نااہل قرار دیاگیا۔
کشمیر میڈیا سروس کے مطابق ذرائع ابلاغ کی ایک رپورٹ میں کہاگیا ہے کہ پرینکا گاندھی نے نئی دہلی میں کانگریس کے سینئر رہنمائوں کے ایک اجلاس کے بعد صحافیوں سے گفتگو کرتے ہوئے کہا کہ ان کے بھائی راہول گاندھی جوکانگریس کے سابق صدر ہیں اورجنہیں ہتک عزت کے ایک مقدمے میں سزا سنائے جانے کے بعد لوک سبھا کی رکنیت سے نااہل قرار دیا گیاہے، مشکلات کا سامنا اس لئے کر رہے ہیں کہ انہوں نے پارلیمنٹ کے اندر اور باہر اڈانی گروپ پر سوالات اٹھائے تھے۔پرینکاگاندھی نے کہا کہ بی جے پی کے ترجمان، ارکان پارلیمنٹ، وزراء اورخود وزیر اعظم نریندر مودی ان کے خاندان، اس کے بھائی، اس کے والد اور والدہ، اندرا گاندھی اور جواہر لال نہرو کے خلاف بیانات دیتے رہتے ہیں اور پورا ملک اس کے بارے میں جانتا ہے۔لیکن کسی جج نے انہیں دو سال کی سزا نہیں سنائی اورنہ کسی کو نااہل قراردیاگیا۔پرینکا نے کہا کہ ایسا کیوں ہو رہا ہے؟ میرے بھائی نے کیا کیاہے؟ انہوں نے اڈانی گروپ کے بارے میں سوالات اٹھائے اوریہی وجہ ہے کہ انہیں سزا سنائی گئی۔
تازہ ترین
- مودی حکومت اپنی عدلیہ کے ذریعے یاسین ملک کو قتل کرنے کی سازش کر رہی ہے: جی اے گلزار
- چھتیس گڑھ حملے میں دو بی ایس ایف اہلکار زخمی
- عالمی برادری یاسین ملک کی زندگی کو درپیش خطرات کا فوری نوٹس لے : جموں و کشمیر لبریشن الائنس
- یاسین ملک کے کیس پر نظرثانی کرنے کی ضرورت ہے:محبوبہ مفتی
- بھارتی فوجیوں کی کشتواڑ میں بڑے پیمانے پر محاصرے اورتلاشی کی کارروائی، رہائشی ہراساں
- سرینگر سے غیر مقامی نوجوان کی لاش برآمد
- کل جماعتی حریت کانفرنس کی آزادکشمیر شاخ کے وفد کی امیرجماعت اسلامی سے ملاقات، خیریت دریافت کی
- لبریشن فرنٹ کی یاسین ملک کو سزائے موت دینے کے این آئی اے کے مطالبے کی شدید مذمت
- کپواڑہ: دارالعلوم کی عمارت آتشزدگی کے باعث خاکستر
- بھارت نے مقبوضہ کشمیر کو ایک بڑی جیل میں تبدیل کر دیا ہے