بھارتی وزیر داخلہ کے اروناچل پردیش کے دورے پر چین کی کڑی تنقید

10 اپریل, 2023

0 286 1 minute read

بیجنگ10 اپریل(کے ایم ایس)
چین نے بھارتی وزیر داخلہ امیت شاہ کے اروناچل پردیش کے دورے پر تنقید کرتے ہوئے کہا ہے کہ یہ دورہ اروناچل پردیش پر چین کی خودمختاری کی خلاف ورزی کی ہے۔
وزیر داخلہ امیت شاہ نے پیر کو اروناچل پردیش کے سرحدی گائوں کبیتھو اور بھارت کے مشرقی مقام سے وائبرنٹ ولیجز پروگرام کا آغاز کیاتھا۔چینی وزارت خارجہ کے ترجمان وانگ وین بن نے بیجنگ میں ایک میڈیا بریفنگ میں امیت شاہ کے اروناچل پردیش کے دورے سے متعلق ایک سوال کا جواب دیتے ہوئے کہا کہ زنگنان(اروناچل پردیش کا چینی نام)چین کا علاقہ ہے۔ انہوں نے کہا کہ اس علاقے میں بھارتی حکام کی سرگرمیاں چین کی خودمختاری کی خلاف ورزی ہیں اور سرحدی علاقوں میں امن کے لیے سازگار نہیں ہیں اور ہم اس کی سختی سے مخالفت کرتے ہیں۔