بھارت
ناانصافی سے پریشان، لوگوں نے اتر پردیش اور ایودھیا میں بی جے پی کے خلاف ووٹ دیا: اکھلیش یادو
لکھنو:
بھارت میں سماج وادی پارٹی کے قومی صدر اکھلیش یادو نے کہاہے کہ اترپردیش اور ایودھیا میں ناانصافی سے پریشان لوگوں نے بی جے پی کے خلاف ووٹ دیا ہے ۔
کشمیرمیڈیاسروس کے مطابق اکھلیش یادو نے نئی دلی میں صحافیوں سے گفتگو کرتے ہوئے کہاکہ ایودھیا اوراس کے قریبی علاقوں کے ساتھ ناانصافی ہوئی ہے اور انہیں معاوضہ نہیں دیاگیا جس کی وجہ سے انہوںنے بی جے پی کے خلاف ووٹ دیا ہے ۔ انہوںنے انتخابات میں بی جے پی کو ووٹ نہ دینے پر ایودھیا کے لوگوں کا شکریہ ادا کیا۔انہوں نے فوج میں بھرتی کی اسکیم اگنی ویر کو فورا ختم کرنے کامطالبہ کیا۔ اکھلیش یادو نے ملک میں آئین، ریزرویشن اور جمہوریت کی مضبوطی پر زوردیا۔
