مقبوضہ جموں و کشمیر
بارہمولہ:فوجی کارروائی کے دوران تین بھارتی فوجی ، ایک شہری زخمی
سرینگر 21اپریل (کے ایم ایس)
غیر قانونی طور پر بھارت کے زیر قبضہ جموں و کشمیر کے ضلع بارہمولہ میں ایک جھڑپ میں تین بھارتی فوجی اور ایک شہری زخمی ہو گیا۔
کشمیرمیڈیاسروس کے مطابق جھڑپ اس وقت شروع ہو ئی جب بھارتی فوج کی راشٹریہ رائفلز ، پیراملٹری فورس اور اسپیشل آپریشنز گروپ کے اہلکاروں نے ضلع کے علاقے پارسوانی میں سحری کے وقت تلاشی اور محاصرے کی کارروائی شروع کی ۔ عینی شاہدین کے مطابق جھڑپ میں تین بھارتی فوجی اور ایک شہری زخمی ہو گیا ۔ آخری اطلاعات ملنے تک علاقے میں فوجی کارروائی جاری تھی ۔
