بھارت
”بی جے پی“ کا ہندو ازم ڈرامہ ہے،شیوکمار
بنگلور 22 دسمبر (کے ایم ایس) انڈین نیشنل کانگریس کے رہنما ڈی کے شیو کمار نے کہا ہے کہ بھارتیہ جنتا پارٹی کا ہندو ازم ایک ڈرامہ ہے۔ انہوں نے یہ بات سکولوں میں ہندوتوا نظریہ کے بانی دامودر ساورکر کے پورٹریٹ لگانے کے بی جے پی کے اقدام کے جواب میں کہی۔
کشمیر میڈیا سروس کے مطابق کرناٹک کانگریس یونٹ کے صدر ڈی کے شیوکمار نے بی جے پی کے ہندوازم کو ڈرامہ قرار دیتے ہوئے کہا کہ ہم سب ہندو ہیں، ہم ہندو پیدا ہوئے ہیں اور ہم ہندو ہی مریں گے۔ انہوں نے اپنے اور کانگریس کے دیگر رہنماﺅں کے بارے میں کہا کہ ہم ان (بی جے پی) سے بہتر ہندو ازم کا مظاہرہ کر رہے ہیں۔
