پولیس نے کٹھوعہ میں مسجد کو نقصان پہنچانے پر دو افراد گرفتار کرلئے
جموں: غیر قانونی طور پر بھارت کے زیر قبضہ جموں و کشمیر میں پولیس نے ضلع کٹھوعہ میں ایک مسجد کی کھڑکیوں کے شیشے توڑ کر مذہبی جذبات کو ٹھیس پہنچانے پر دو افراد کو گرفتار کر لیا ہے۔
کشمیر میڈیا سروس کے مطابق پولیس کے ایک ترجمان نے بتایا کہ گرفتاری مسجد کے امام عبدالطیف کی طرف سے کٹھوعہ کے لکھن پور پولیس اسٹیشن میں درج کرائی گئی تحریری شکایت کے بعد عمل میں آئی۔انہوں نے بتایا کہ عبداللطیف نے جمعہ کو شکایت درج کرائی کہ کچھ نامعلوم افراد مسجد میں داخل ہوئے اور اس کی کھڑکیوں کے شیشے توڑ دیے اور بیٹری اور انورٹر کوصحن میں پھینک دیا۔انہوں نے کہا کہ ڈپٹی سپرنٹنڈنٹ آف پولیس سباش چندر کی قیادت میں ٹیم نے واقعے میں ملوث دونوں افراد کو گرفتار کر لیا اورمزید تفتیش جاری ہے۔ترجمان نے یقین دلایا کہ ضلع میں فرقہ وارانہ ہم آہنگی کو خراب کرنے کی کوشش کرنے والے شرپسندوں کے خلاف سخت کارروائی کی جائے گی۔
