جموں
بھارت نے پونچھ اور راجوری میں کنٹرول لائن پر جدید ترین اینٹی ڈرون سسٹم نصب کردیا
جموں: بھارت نے پاکستان کے ساتھ سرحدی کشیدگی کو ہوا دیتے ہوئے مقبوضہ جموں و کشمیر کے پونچھ اور راجوری اضلاع میں کنٹرول لائن پرجدید ترین اینٹی ڈرون سسٹم نصب کر دیا ہے۔
کشمیر میڈیا سروس کے مطابق یہ نظام بھارتی فوج اور پیراملٹری بارڈر سیکیورٹی فورس (بی ایس ایف)کے حوالے کردیا گیا ہے۔دفاعی ماہرین نے علاقائی سلامتی کی صورتحال پر اس اقدام کے وسیع تر اثرات کے حوالے سے خدشات کا اظہار کیا ہے۔ انہوں نے کشمیر کے بنیادی مسئلے کو حل کرنے کے لیے مذاکرات اور سفارت کاری کی فوری ضرورت پر زور دیاتاکہ جوہری ہتھیاروں سے لیس پاکستان اور بھارت کے درمیان کسی بھی ممکنہ جنگ کو روکا جا سکے۔
