مقبوضہ جموں و کشمیر
ڈوڈہ: بھارتی پولیس نے پانچ افراد کیخلاف “این آئی اے“عدالت میں فردجرم دائر کر دی
جموں :بھارت کے غیر قانونی زیر قبضہ جموں وکشمیر میں بھارتی پولیس نے ضلع ڈوڈہ میں پانچ زیر حراست افراد کے خلاف جھوٹے مقدمات میں فرد جرم دائر کر دی ہے۔ان افراد کو غیر قانونی سرگرمیوں کی روک تھام کے کالے قانون ”یو اے پی اے“کے تحت مقدمات کا سامنا ہے۔
کشمیرمیڈیاسروس کے مطابق فرد جرم بدنام زمانہ بھارتی تحقیقاتی ادارے نیشنل انویسٹی گیشن ایجنسی(این آئی اے) کی ڈوڈہ کی ایک عدالت میں دائر کی گئی۔ ان افراد میں سے چار کے نام شوکت علی، منیر حسین ، تنویر احمد اور نور عالم بتائے جاتے ہیں۔
بھارتی انتظامیہ نے ان پر آزادی پسند گروپوں کا حامی ہونے کا الزام عائد کیا ہے۔
