مقبوضہ جموں و کشمیر
بانڈی پورہ: سڑک حادثے میں تین پولیس اہلکاروں سمیت چار افراد زخمی
سرینگر 18 مارچ (کے ایم ایس )بھارت کے غیر قانونی زیر قبضہ جموں و کشمیر کے ضلع بانڈی پورہ میں ایک سڑک حادثے میں تین پولیس اہلکاروں سمیت چار افراد زخمی ہوئے۔
کشمیر میڈیا سروس کے مطابق ضلع کے علاقے سنبل میں پولیس کی ایک گاڑی دوسری گاڑی سے ٹکرانے کے نتیجے میں تین پولیس اہلکار اور ایک شہری زخمی ہو گئے۔زخمیوں کو فوری طور پر سنبل ہسپتال پہنچایا گیا۔ توصیف احمد راتھر نامی زخمی شہری کو بعد میں سری نگر کے ایک سپتال میں منتقل کیا گیا۔
